مشكلة فى بوردة بنتيوم 3 اتش بى [الأرشيف]

مشاهدة النسخة كاملة : مشكلة فى بوردة بنتيوم 3 اتش بى

hamadasaad

27-06-2010, 06:31 AM

السلام عليكم وحمة الله و بركاته
معليش يا باش مهندسين انا عندى مشكلة ان شاء الله صغيرة عليكم
المشكلة هى انا عندى بورده بنتيوم 3 من نوع اتش بى مش راضية تشتغل كل شوية تجيب لى رسالة تقول
ان فيه مشكلة فى الفان بتاعت البور سبلاى وتاكد ان المروحة متوصلة او الكونكتور متوصل المهم
جالى جهاز تانى نفس نوع البوردة قولت اشوف ايه الفرق لقيت الفرق صغير جدا ان البور بتاع الجهاز ده
خارج منه سلك مروحة صغير تلات اطراف اتنين اسود والى فى النص اخضر فكيت البور لقيت الاسود
ارضى يعنى خارج مع الاسود العادى اما الاخضر معرفتش مصدره اصل البور ده غريب شوية طالع منه
حتة بوردة صغيرة قيست الكهربة الى فى السلك ده لقيتها تقريبا 8 فولت بس الامبير معرفش كام
قولت ادور على البور ده ملقيتهوش
اكيد حد من الاخوة مرت عليه المشكلة دى قبل كدا اعمل فيها ايه هل ممكن اديها سلك من البور العادى طب منين
ارجو الافادة من الاخوة المهندسين
و السلام عليكم ورحمة الله و بركاته

مصطفى النعمانى

27-06-2010, 05:23 PM

رجاء وضع المواضيع فى اماكنها الصحيح
ينقل للقسم المناسب

م/سعيد المصرى

27-06-2010, 05:32 PM

راجع الموضوع التالى نفس المشكلة والحمد لله تم الحل

[/URL]
[URL="http://www.egychip.com/vb/showthread.php?t=4217"] مشكلة فريدة من نوعها (http://www.egychip.com/vb/showthread.php?t=4217)

hamadasaad

28-06-2010, 03:21 AM

رجاء وضع المواضيع فى اماكنها الصحيح
ينقل للقسم المناسب

انا اسف جدا ماختش بالى

[QUOTE][راجع الموضوع التالى نفس المشكلة والحمد لله تم الحل

مشكلة فريدة من نوعها (http://www.egychip.com/vb/showthread.php?t=4217)/QUOTE]

الف شكر يا باش مهندس على التفاعل والاهتمام
انا ؤاجعت الموضوع ده قبل ما اكتب الموضوع ده بس هى المشكلة عندى فى البور سبلاي انا غيرت البروسيسور لكن نفس المشكلة انا لما جربتها على بور سبلاى متوافق او بتاع كيسة اتش بى اورجينال يوجد به كونتكتور الفان او المروحة اشتغلت

هو الى انا عاوزه تعديل بور سبلاى عادى يتوافق مع هذه الانواع من الماذر بورد باضافة كونكتور الفان الى البور سبلاى
او على الاقل افهم فكرة عمل الكونكتور ده :confused::confused: هو بيمد البوردة بالكهربة بس ليه ماهو من غيره شغالة و المروحة بتاعت البروسيسور شغالة:confused:

Mohamed101

28-06-2010, 03:28 AM

حاولت الدخول على السيت اب وتعديله يعني الغاء تقرير الاخطاء؟؟؟

hamadasaad

02-07-2010, 04:05 AM

نعم اخى الكريم لكن لو عندك فكرة على البوردة الاتش بى البويس بتاعها اتش بى بردو وانا عن نفسى بعتبر البيوس ده اغبى بيوس فى الدنيا لا يوجد به اى خيارات و كمان البورد الناصحة الى انا بحبها زي الجيجا بايت مثلا يقولك المروحة بتاعت سيادتك مش موجودة كمل اضغط اف واحد و الموضوع اتحل وممكن تلغى الكلام ده
لكن غباء الاتش بى يقولك الجهاز ده مفيش لوحة مفاتيح واضغط اف 1 طب انا هضغط اف واحد ازاااااى :confused::confused::confused::confused::confused: ومفيش تعطيل للخيار ده طبعا ده بيطلع عينى لما اعمله سرفر :mad::mad::mad: بيوس زكى زى الى عامله

م/سعيد المصرى

02-07-2010, 04:12 AM

اخى حمادة
قم بخلع الموسفتات الموجودة بجانب سوكيت الفانة وياريت تغيرهم حتى اذا كان قياسهم سليم وستجد عدد 2 سوكيت للفانة فى البوردة
وايضا راجع المكونات بجانب سوكتين الفانة

متابع

hamadasaad

02-07-2010, 08:53 PM

الف شكر ليك يا باشمهندس سعيد على سرعة الرد و الاهتمام لكن الموسفتات سليمة و البوردة كلها سليمة انا جربتها على باور سبلاى اوريجنال فيه سلك الفان واشتغلت

انا المشكلة عندى انى افهم السلك بتاع المروحة ده فايدته ايه

انا ارفقت صورتين للمشكلة صورة للبورده و عليها 3 اشارات ...... 1 طبعا كنتكتور المروحة بتاعت البروسيسور 2 كنتكتور مروحة النظام 3 الكنكتور سبب المشكلة والكنتكتور ده مش بيشغل مراوح هو بيتوصل عليه السلك الى جاى من الباورسبلاى والسلك كما قولت فى السابق عبارة عن كنكتور من 3 اسلاك اسود اخضر فى الوسط اسود طبعا الطرفين الاسود دول ارضى عادى اما الاخضر لما قمت بقياس الخرج الى عليه جاب معايا 8 فولت ثابت انا بقول انه ممكن السلك ده بيشعر البوردة بمروحة الباورسبلاي والله اعلم

والصورة التانية البوست الى بيجي على الشاشة بيقول اتاكد من مروحة الباور سبلاى او الموصل الخاص بها مش موجود و معليش الكامير مش قوى

انا عايز اعدل الباورسبلاي العادى يعنى اعمله الكنكتور بتاع الفان انا اعرف الفولت كام المشكلة الامبير معرفش السلك ده فيه امبير اد ايه

الف شكر لكل من اهتم بالموضوع

محمودالدهشان

04-07-2010, 11:22 PM

السلام عليكو كلمينى على رقم ............***** وحل المشكلة عندى باذان الله انا المهندس محمود الدهشان وتلميذ المهندس احمد محمود عميد الصيانة واستازى الكبير

م/سعيد المصرى

05-07-2010, 02:14 AM

السلام عليكو كلمينى على رقم ............***** وحل المشكلة عندى باذان الله انا المهندس محمود الدهشان وتلميذ المهندس احمد محمود عميد الصيانة واستازى الكبير

اخى الكريم يمنع وضع ارقام التليفون فى المشاركات
هذا تحذير اخير

hamadasaad

23-07-2010, 04:33 AM

الف شكر يا باشمهندس محمود بس لو حضرتك عندك حل للمشكلة يا ريت تطرحه فى المنتدى علشان الكل يستفيد مش انا بس

محمودالدهشان

23-07-2010, 04:03 PM

hamadasaad

29-07-2010, 06:38 AM

السلام عليكوا اخى الكريم المشكلة بسيط جدا وهى انك هتجيب بور صبلاى p4 يوجد بها سوكت 12 فولت اكيد عرفو وهتوصل السلكين الشكل الاسمر فى سوكت 12 فولت بمكان السلكين الشكل الاسمر فى البوردة وهتوصل السلك الا فاضل ال هو الاخضر هيتوصل مع سلك الاصفر فى سوكت 12 فولت وهتركب الكابل البور الكبير عادى فى مكانو من البور صيلاى بتاع p4 يعنى الغى البور بتاع البوردة خالص وهتركب السلوك فى مكان الفانة رقم 3 الا جانب الكابل الكبير يعنى رقم 3 الا انتا معلم عليها فى البوردة

الف شكر يا باشمهندس على التفاعل
بس الطريقة متجربة و مضمونه ؟؟ مع العلم ان الفولت الاصلى بتاع الكونكتور ده 8 فولت مش 12 ياريت حضرتك تقولى اذا كانت متجربة لانى اخاف اخاطر بالبوردة لانها مش بتاعتى

محمودالدهشان

29-07-2010, 02:12 PM

ايوة اخى انا مجربة وفى بوردة بردو p3 و بردو hp وشكرا

hamadasaad

10-09-2010, 02:07 PM

انا مش عارف اشكرك ازاى يا باش مهندس محمود على الفكرة واسف على بطئ الرد لكن انا لسة مجربها امبارح بس لانى كنت مشغول شوية

طبعا الطريقة اشتغلت مية مية لكن مع تعديل بسيط وهو سلك البور الاصفر اى 12 فولت يتبدل بـــ الاحمر اى 5 فولت

انا اول ما رحت اجرب الطريقة طبعا جبت كونكتور مروحة بروسيسور وطبعا وصلت زى ما حضرتك قولت و بشغل باول البورة اشتغلت وراحت ساكتة قولت بس عوضك على الله يا معليم ليه كدا يا عم محمود المهم خلعت الكونكتور من البوردة وبجرب اشتغلت قولت الحمد لله
المهم بدلت السلك الاصفر بالسلك الاحمر الحمد لله اشتغلت وراحت الرسالة بتاعة الفانة مش موجود يعنى الحمد لله الطريقة نجحت

وبجد الف شكر ليك على الطريقة
و اسف على الاطالة

kokoalda3f2000

10-10-2010, 09:31 PM

http://www.iraqup.com/up/20101010/M7Vak-K65f_20667665.gif (http://www.iraqup.com/)
http://www.iraqup.com/up/20101010/K4h70-QHoy_535112545.gif (http://www.iraqup.com/)
http://www.iraqup.com/up/20101010/cOU57-wlL7_815086385.gif (http://www.iraqup.com/)
http://www.mediafire.com/imgbnc.php/7292d0abfccd306f7026d8b362342ac76g.jpg
http://www.iraqup.com/up/20101010/3G2YY-o2ty_689780500.gif (http://www.iraqup.com/)
http://www.iraqup.com/up/20101010/6tCDt-pF22_79048769.gif (http://www.iraqup.com/)