مشكلة فى بوردة اسوس بتفصل بعد فترة من التشغيل

[AYMAN HYPER]

السلام عليكم
دى اول مشاركة ليه فى المنتدى الرائع بتاعكو وانا بصراحة كنت مبعتقدش فى موضوع المنتديات وحل المشاكل ده بس اصحابى اقنعونى بأنى اجرب
المهم نخش فى الموضوع
عندى بوردة اسوس موديل البوردة هو p5gc-mx/1333
البوردة تفضل شغالة طبيعى وتمام تخش على الويندوز وبعد فترة غير منتظمة بس شبه سريعة يعنى تقريبا بعد 5الى 7 دقيقة البوردة بتفصل داتا وبتظهر خطوط والوان غريبة على الشاشة وبتفصل داتا خالص بعد كده تفصلها شوية وتيجى تشغلها تانى تشتغل تانى وبعد نفس المدة تعمل نفس الحركة اللى فاتت
المهم
بعد الكشف على البوردة لقيت رجيوريتور كما ذكر اسمه فى الداتا شيت بتاعته او ic باللغة العامية رقمهat9173egبيسخن بعد فترة من التشغيل ومكانه بين شق الرامات والشيب المهم غيرته وبرضه لسه بيسخن وبيفصل بعد فترة المهم كان وراه ثايرستور صغير بثلاث ر جول غيرته قلت يمكن يكون العيب من وبرضه نفس القصة ارجو الافادة .
على الاقل عشان اغير فكرتى عن موضوع المنتديات يعنى يمكن يحصل تبادل للمعلومات ونحل المشكلة وده اللى نفسى فيه

[م/سعيد المصرى]

اهلا وسهلا بك اخى بين اخوتك فى ايجى شيب
هل الموسفت المشار اليه هو الوحيد الذى يسخن ام جسم المازربورد بصفة عامة ممكن ان يكون يوجد تلامس بسيط فى بنات سوكيت البروسيسور فيؤدى الى سخونة المازربورد والاتربة ايضا تؤدى الى السخونة
اما الخطوط التى تظهر فى الشاشة بعد فترة من الممكن ان يكون العيب فى الرامة نفسها
ياريت تجرب رامة اخرى

[AYMAN HYPER]

اولا شكر للك على الرد
ثانيا هو مش موسفت هو icذو ثمان ارجل ولكن يؤدى عمل الرجيوريتور علميا كما ذكر فى الداتا شيت الخاصة به اما بالنسبة لموضوع الرامات فأنا غيرت الرامات فعلا وكانت نفس النتيجة وكان تفسير لكده ان الicلما بيسخن بيأثر بشكل معين على فولت الرام او على دائرة الرام عموما وخصوصا انه تقريبا يعتبر جزء غير مباشر منها

[م/سعيد المصرى]

حضرتك تقصد دريفر الرام
راجع جيدا دائرة الرام من الممكن ان يكون هناك شورت على احد العناصر فيؤدى الى سخونة الدريفر

[عماد المراغه]

اخي العزيز قم بتغيير البروسيسور نفسه
مع التاكد من سلامة اي سي الفركوانسي
متابع

[AYMAN HYPER]

بالنسبة لدائرة الرام فأنا غيرتها كلها بدريفراتها بموسفتاتها بكل شئ وغيرت الفركونسى و البروسيسور وبرضه نفس القصة

[مصطفى النعمانى]

قم بمراجعة الشيب الفرعى اثناء حدوث المشكلة اثناء فصل البوردة داتا
هل من وجود درجة حرارة اعلى من الازم ام لا


متااااااااااااااااااااااااااااااااااااابع

[AYMAN HYPER]

درجة حرارة الشيب طبيعية جدا

[م/سعيد المصرى]

اخى الغالى
حاول ترفع ايسى الصوت من على المازر وجرب

[AYMAN HYPER]

شكرا لكل من ساهم او شارك او قرأ المشكلة
وانا بصراحة استفدت جد من افكار الجميع والحمد لله انا توصلت للحل عن طريق تغيير دائرة الكيبور والماوس + السوكت

[م/سعيد المصرى]

الحمد لله انها اشتغلت
شكرا اخى ايمن على التنويه
ومجهود ملحوظ فى قسم استقبال المشاكل يستحق الشكر
لك من ارق التحيات لشخصكم الكريم

ينقل للقسم المناسب